Durangoko Udalak Aurrekontu Parte-hartzaileen prozesu berri bati ekin dio, herritarrek, lehenik eta behin hainbat proiektu proposatu eta ondoren bozkatu  ditzaten, eta, horrela, aukeratutakoak 2026ko udal-aurrekontuan sar ditzaten.

Prozesu horrek aukera ematen du gure auzoetako premiei buruz hausnartzeko eta, aurrekontuaren ikuspegitik, herritarrek hainbat eremutan hobekuntza-proiektuak proposatzeko.

Udal sailek proposamenen bideragarritasuna aztertzen dute eta herritarrek bozketa bidez lehentasunak ezartzen dituzte.

Udalak 600.000 €gorde ditu, auzo bakoitzari 100.000 € lotuz, 2026ko udal-aurrekontuan proiektuak sartzeko eta gauzatzeko.