Durangoko Udaleko Kultura sailak 2026ko Durangoko San Fausto jaietako kartel lehiaketarako deialdia egin du.

Lehiaketaren helburua da Durangoko San Fausto jaiak 2026an iragarriko dituen publizitatea eta kartelak irudikatzeko erabiliko den kartela aukeratzea.

Artista afizionatuek edo profesionalek parte hartu ahal izango dute lehiaketa honetan.

Lehiaketan, egile bakoitzeko, gehienez hiru lan aurkeztu ahal izango dira.

Lehiaketak honako fase hauek ditu:

1. FASEA: Kartelen aurkezpena (abuztuaren 27ko 12:00ak arte)
2. FASEA: Epaimahaiak proposamenak baloratzea
3. FASEA: Kartel finalisten herri-bozketa (irailaren 4tik goizeko 9: 00etatik, irailaren 11ra, 14:00etara). 
4. FASEA: Kartel irabazlea argitaratzea