Durangoko Udalak klima-aldaketara egokitzeko neurria gisa babesleku klimatikoen sarea diseinatzeko proiektua abiarazi du, herritarrak muturreko beroaren eta bero-boladen aurrean babesteko helburua duena. Proiektu honen baitan udalerriko kanpoaldeko zein barrualdeko babesleku klimatikoak identifikatu dira: bero handiko egunetan herritarrek fresko egoteko erabili ahalko dituzten eremuak, hain zuzen ere. Aipaturiko eremuak gune fresko eta irisgarriak izango dira eta edozein herritarrek izango du bertaratzeko aukera. Udalak garrantzia berezia eman nahi izan dio Durangoko auzo ezberdinetako herritarren ikuspuntua proiektuan barneratzeari eta horretarako argitaratu du galdetegi hau. 

Aurretiko kontsulta publikorako aldi bat irekitzea erabaki da, irailaren 13ra arte.