2020ko Ekainaren 15etik 28ra bitartean, Durangoko Udalak aldez aurreko kontsulta egin zien herritarrei Durangoko oinezkoen gunea arautzen duen Ordenantza aldatzeko. Aurretiazko kontsulta hori Administrazio Prozedura Erkidearen urriaren 1eko 39/2015 Legearen 133. artikuluaren babesean eta parte hartzeko udalaren www.partehartu.durango.eus webgunearen bidez egin da.

Parte hartzeko webgune honetan dokumentu bat aurkeztu zen, Bulego Teknikoak azken urteotan hautemandako arazoak eta balizko aukerak jasotzen zituena. Hori oinarri hartuta, herritarrak 2 gai-eremutan proposamenak egiteko aukera zuten:

•     Nola murriztu behar dira funtsezkoak ez diren ordutegitik kanpoko sarbideak?
•     Nola egin seguruagoa eta osasungarriagoa kaskoa gure haurrentzat, adinekoentzat...?