Durangoko Udalak azaleko aparkaleku mugatua (OTA) arautzen duen udal ordenantza aldatzeko prozedura hasteko asmoa du, udalerriko egungo mugikortasun-eredura, espazio publikoaren erabilera berrietara eta aparkalekuaren kudeaketaren beharretara egokitzeko.

Ordenantzaren aldaketaren bidez, udalerriko aparkaleku-erregulazioa eguneratu nahi da, txandakako aparkalekuaren funtzionamendua hobetzeko, egoiliarren eta jarduera ekonomikoen beharrak bateratzeko, erabiltzaileentzako segurtasun juridikoa indartzeko eta zerbitzuaren kudeaketa argiagoa eta eraginkorragoa izateko.